Kreu  |

E kush nuk do të dëshironte të kishte një trup të derdhur, me forma harmonike dhe sensuale? Për fat të keq, jo gjithmonë është e mundur. Një regjim alimentar jo i rregullt, një jetë frenetike, pa aktivitet fizik dhe me stres apo edhe trashëgimia, shkaktojnë depozitime të dhjamit dhe celulitit në zona të padëshiruara të trupit, duke krijuar kështu deformime të ndryshme. Dhjami i depozituar nën lëkurë është shumë i vështirë për t’u hequr me anë të dietës dhe aktivitetit fizik, të cilët shpesh, kanë si pasojë edhe humbje të dhjamit në zona të tjera të trupit apo edhe fytyrës, ku format e rrumbullakosura japin hijeshi dhe bukuri. Është vërtetuar tashmë se, pas pubertetit (14 – 16 vjeç), trupi ynë nuk prodhon më qeliza dhjami pra, kur shton peshë pas kësaj moshe, ka një rritje të vëllimit të qelizave dhe jo të numrit të tyre.

Liposkulptura heq përgjithmonë qelizat dhjamore dhe përmirëson formën dhe siluetën e trupit. Një shtim në peshë pas operacionit, shkakton një "zmadhim" të qelizave të mbetura, por akumulimi i qelizave të reja që ishte i pranishëm para operacionit dhe që kishte deformuar trupin, nuk riformohet më. Rezultatet e operacionit të liposkulpturës janë të përhershme, në rast se vazhdohet të mbahet një regjim alimentar i rregullt. Qëllimi i ndërhyrjes së liposkulpturës është heqja e dhjamit të grumbulluar në disa zona të trupit si barku, beli, vithet, kofshët, gjunjët, etj. Kjo arrihet duke thithur shtresat e tepërta të dhjamit të depozituara në pjesë të ndryshme të trupit, pa shkaktuar shenja të dukshme. Teknikat e reja, të praktikuara nga kirurgë ekspertë dhe në klinika dhe spitale me pajisjet e duhura, janë të sigurta dhe pa efekte anësore të dëmshme për trupin e njeriut. Deri dje, shtresa dhjamore më sipërfaqësore me një trashësi prej rreth 1 cm, nuk thithej për të ruajtur butësinë natyrore në sipërfaqen e lëkurës dhe për të evituar krijimin e vrimave dhe depresioneve. Duke përdorur mikro - kanjulat e reja, të ndryshme nga ato tradicionalet, mund të ndërhyhet dhe në këtë shtresë. Liposkulptura nuk është një kurë për obezitetin apo mbipeshën. Bëhet fjalë për një ndërhyrje kirurgjikale për persona me peshë trupore normale, të cilët kanë depozita dhjamore rezistente ndaj dietave dhe stërvitjes fizike.

Shpesh, trupi i cili do të rimodelohet ka dhjamë të tepërt dhe deformime të shkaktuara nga celuliti. Për shembull, ndonjëherë, edhe në prani të kofshëve të bëshme, vithet janë të rëna pa formën e tyre të rumbullakosur dhe sensuale. Nëse ju nuk dëshironi të kryeni një operacion për vendosjen e protezave të vitheve, gjendja mund të përmirësohet me LIPOSTRUKTURIM. Indet dhjamore të marra nga anët e kofshëve thithen në mënyrë të përshtatshme, përpunohen, filtrohen dhe ri - injektohen në zonën e vitheve për rrumbullakosjen e formës. Lipostruktura rezulton të jetë e dobishme edhe në rastet e një liposucioni të mëparshëm, i kryer nga kirurgë jo - ekspertë, me rezultate të dobëta, që ka lënë si pasojë edhe deformime të indeve. Nëse akumulimi i dhjamit është i shoqëruar me një varje të dukshme të lëkurës së barkut, mund t’ju sugjerohet, si alternativë ose si kombinim, liposkulptura e shoqëruar me abdominoplastikë ose mini - abdominoplastikë(lexo edhe "Rimodelimi i barkut").
Procedura e liposkulpturës është e mundur pasi të ketë ndodhur maturimi normal fizik dhe për këtë arsye, në përgjithësi, nuk ka kundër - indikim duke nisur që nga moshat 18 - 20 vjeç. Stafi i KEIT®, duke u bazuar në protokollet më etike të përgjegjësisë sociale në kirurgjinë estetike, REFUZON KËTË LLOJ NDËRHYRJE KIRURGJIKALE TEK TË MITURIT.

Kirurgët estetikë KEIT® rekomandojnë liposkulpturën kur keni:

• depozitime të dhjamit dhe celulitit në zonën e barkut, belit, vitheve, kofshëve, gjunjëve, etj,
• depozita dhjami të trashëguara të cilat nuk arrihet të eleminohen me dietë apo ushtrime fizike,
• deformime të zonave të ndryshme të trupit, lë lindura apo të shkaktuara nga aksidente të ndryshme, të cilat mund të rimodelohen me lipostrukturim.
• deformime të shkaktuara nga ndërhyrje të mëparshme liposuzioni të kryera nga kirurgë jo – ekspertë.